Վերաքննիչ դատարանը այսօր՝ հոկտեմբերի 13-ին բավարարել է «Սասնա ծռեր» խմբի անդամ, Պավել Մանուկյանի դատական նիստին ներկա գտնվելու բողոքը։ Այս մասին NEWS.am-ի հետ զրույցում ասել է պավել Մանուկյանի փաստաբան Ինեսսա Պետրոսյանը։
«Դատարանը բավարարեց մեր միջնորդությունը, որ Պավել Մանուկյանին հաջորդ նիստին ներկայացնել դատարան։ Նիստը կլինի երկուշաբթի օրը ժամը 18-ին»,-ասել է պաշտպանը։
Ավելի վաղ NEWS.am-ը տեղեկացրել էր, որ Պավլիկ Մանուկյանի կալանքի ժամկետը սպետեմբերի 23-ին Երեւանի Արաբկիր եւ Քանաքեռ-Զեյթուն դատարանը եւս երկու ամսով երկարացրել էր:
Հիշեցնենք, որ Պավլիկ Մանուկյանն ու իր որդին հուլիսի 27-ին ոտքի հրազենային վիրավորում են ստացել ՊՊԾ գնդի տարածքում։ Նրանց մեղադրանք է առաջադրվել ՀՀ ՔՕ 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել)։