Սիրիայում ռուսական ավիացիան կետային հարվածներ է հասցնում Հալեպից եւ բնակելի կառույցների գոտուց դուրս՝ նախապես ստուգված կետերին, լրագրողներին հայտարարել է Ռուսաստանի Զինված ուժերի Գլխավոր շտաբի գլխավոր օպերատիվ վարչության պետ, գեներալ-լեյտենանտ Սերգեյ Ռուդսկոյը: Այս մասին հայտնում է «ՌԻԱ Նովոստի»-ն:
«Ցանկանում եմ ընդգծել, որ ռուսական ավիացիան կետային մեկահատ հարվածներ է հասցնում նախապես ստուգված կետերին՝ Հալեպից եւ բնակելի կառույցների գոտուց դուրս: Մենք չենք հարվածում հարսանիքների եւ սգո երթերի վրա»,- ասել է նա:
Գլխավոր շտաբի ներկայացուցիչը նշել է, որ յուրաքանչյուր հարված գրանցվում է օբյեկտիվ վերահսկողության միջոցներով եւ անօդաչու թռչող սարքերով:
