BMW-ն մտադիր է ջրածնով ավտոմեքենա թողարկել։ Նման մոդել բավարական ավտոարտադրողը մտադիր է թողարկել մոտ 2030 թ․։ Ամեն ինչ կսկսվի մի քանի մոդելների սահմանափակ թողարկումից, իսկ հենց ենթակառուցվածքը բավականաչափ զարգանա՝ կանցնեն զանգածային արտադրության, հայտնում է «Ավտովեստի»-ն։

Ընկերությունն արդեն արել է այդ ուղղությամբ առաջին քայլերը՝ անցած տարի աշխարհին է ներկայացվել ջրածնային i8 –ն եւ 5-Series GT-ը։

Ջրածնային ուժային սարքավորումը , որը օգտագործվել է BMW i8 –ի վրա անցած տարի , թույլ է տալիս ավտոմեքենային մինչեւ 500 կմ անցնել առանց վառելիքի պաշարը լրացնելու անհրաժեշտության, ընդ որում լիցքավորումը ընդամենը 5 րոպե է խլում։ Այդ ավտոմեքենայի վրա օգտագործվել էր ընկերության կողմից պատենտավորված՝ ջրածնի պահպանման համակարգ, որը պահվում է բալոնի մեջ ցածր ջերմաստիճանում ու 350 բար ճնշման տակ։