Նորվեգիան հրաժարվել է՝ հանրապետության հարյուրամյակի կապակցությամբ Ֆինլանդիային նվիրել Խալտի սարը։
Մեկնաբանելով այդ գաղափարը՝ Նորվեգիայի վարչապետ Էրնա Սուլբերգը հայտնել է, որ այդ նվերը շատ խնդիրներ կարող է առաջացնել։ «Երկրների միջև սահմանի ցանկացած փոփոխություն անմիջապես բարձրացնում է բարդ իրավական խնդիրներ, այդ թվում՝ երկրի սահմանադրության հետ կապակցված։ Մենք կփորձենք Ֆինլանդիայի համար հոբելյանի կապակցությամբ որևէ այլ հարմար նվեր գտնել»,- ասել է Սուլբերգը, հայտնում է Reuters–ը։
Հարևան Ֆինլանդիային անկախության հարյուրամյակի կապակցությամբ Խալտի սարի գագաթը նվիրելու մտահղացմամբ Կոֆյորդի նորվեգական կոմունայի իշխանությունները դեռ 2016-ի հուլիսին էին հանդես եկել։ Որպեսզի գագաթը հայտնվի Ֆինլանդիայի տարածքում՝ սահմանը պետք է 40 մետրով տեղաշարժել։
Խալտի սարը գտնվում է երկու պետությունների սահմանին ու Ֆինլանդիայում համարվում է երկրի ամենաբարձր սարը՝ ծովի մակարդակից 1324 մ։ Սակայն Խալտի սարը իրավաբանորեն նորվեգական տարածքում է գտնվում։
Անկախության հռչակման հարյուրամյակը Ֆինլանդիայում տոնելու են 2017-ի դեկտեմբերի 6-ին։