Հոկտեմբերի 13-ին «Աէրոֆլոտ» ավիաընկերության Ժնեւ-Մոսկվա չվերթի օդանավում ռումբի մասին կեղծ հաղորդում տված տղամարդուն 6 ամիս ժամկետով ազատազրկման են դատապարտել:
Հնդկաստանի 39-ամյա քաղաքացուն մեղավոր են ճանաչել բնակչությանը վախեցնելու համար՝ օգտագործելով սպառնալիք եւ կյանքի, առողջության եւ սեփականության համար վտանգավորության մասին փաստերը կեղծելով (Շվեյցարիայի քրեական օրենսգիրք, հոդված 258):
Ըստ ՌԻԱ Նովոստիի՝ տղամարդը հայտարարել է Ժնեւից Մոսկվա թռչել պատրաստվող օդանավում պայթուցիկ սարքի առկայության մասին: Այդ պահին օդանավում 115 մարդ է եղել: Բոլորին արագորեն տարհանել են, սակրավորները ստուգումներ են սկսել:
Հարցաքննության ժամանակ տղամարդը խոստովանել է, որ պարզապես կատակել է: Միջադեպի պատճառով ուղեւորները ստիպված են եղել բավական ուշ թռչել:
