Ֆրանսիայում երիտասարդ տղամարդու եւ նրա անչափահաս հղի ընկերուհուն են ձերբակալել՝ «Իսլամական պետության» շահերից բխող սպանության նպատակով հանցավոր համաձայնության կասկածանքով: Այս մասին գրում է Reuters-ը՝ վկայակոչելով դատական աղբյուրին:
Զույգին ձերբակալել են հոկտեմբերի 11-ին, Փարիզի Նուազի Լը Սեք արվարձանում, սակայն գործի մանրամասները միայն հիմա են հայտնի դարձել:
Հետաքննության տվյալներով՝ 21-ամյա երիտասարդն ու 17-ամյա աղջիկը կապի մեջ են եղել ԻՊ-ի զինյալ Ռաշիդ Քասիմի հետ Telegram մեսենջերի միջոցով, որը թույլ է տալիս գաղտնագրել հաղորդագրությունները:
Ըստ Lenta-ի՝ Քասիմին կասկածում են Ֆրանսիայում իրականացված մի քանի հարձակումների եւ ահաբեկչության փորձի մեջ: Իրավապահների տվյալներով՝ ներկայում նա իրաքա-սիրիական տարածաշրջանում է: