ՌԴ նախագահի մամուլի խոսնակ Դմիտրի Պեսկովը մեկնաբանել է ԱՄՆ փոխնախագահ Ջո Բայդենի խոստումը «ճիշտ ժամանակին» ԱՄՆ Դեմոկրատական կուսակցության քաղաքական գործիչների համակարգիչների վրա ցանցահենային հարձակումներին պատասխան տալու մասին:
«Նախազգուշական միջոցառումներ կձեռնարկենք: Բաննն այն է, որ աճում է ԱՄՆ անկանխատեսելիությունն ու ագրեսիվությունը, Մոսկվայի եւ մեր պետության ղեկավարների հասցեին նման սպառնալիքները աննախադեպ են, քանի որ այդ սպառնալիքը հնչում է ԱՄՆ փոխնախագահի մակարդակով, եւ, բնականաբար, նման ագրեսիվ գծի ֆոնին մենք ստիպված ենք մեր շահերը պաշտպանող քայլեր ձեռնարկել»,- ասել է Պեսկովը, փոխանցում է ՌԲԿ-ն:
Հիշեցնենք, որ Ջո Բայդենը NBC-ին տված հարցազրույցում խոստացել էր ճիշտ ժամանակին պատասխանել ցանցահենային հարձակումներին:
