«Բարգավաճ Հայաստան» կուսակցության տարածքային կառույցներում սկսել են քննարկել Գագիկ Ծառուկյանի վերադարձի եւ այդ պահանջով նախկին ղեկավարին դիմելու անհրաժեշտույթան հարցը: NEWS.am-ին հայտնի է դարձել, որ երկու օր առաջ նման քննարկում է եղել ԲՀԿ Արմավիրի տարածքային կառույցում, որից հետո նամակով դիմել են Ծառուկյանին՝ վերադառնալ քաղաքականություն: Արմավիրում տեղի ունեցած քննարկման մասին տեղեկությունը մեզ հետ զրույցում հաստատեց տարածքային կառույցի ղեկավար, պատգամավոր Արայիկ Աղաբաբյանը՝ շեշտելով, որ դա եղել է բացառապես տարածքի համակիների ցանկությունը:
«Գագիկ Ծառուկյանի վերադարձը մարդկանց ցանկությունն է, անհրաժեշտություն կա, մանավանդ որ տարածքային կառույցը լսել է էդ հարցը եւ հորոդորով դիմել է, որ վերադառնա»,-ասել է Արայիկ Աղաբյանը:
Ինչ վերաբերում է կուսակցությունում սերնդափոխություն իրականցնելու անհրաժեշտությանը, պատգամավորն ասել է՝ ամեն ինչ պետք է լինի ճիշտ պահին ու ժամանակին: