Վերքննիչ դատարանում այսօր՝ հոկտեմբերի 17-ին, քննվում է «Սասնա ծռեր» խմբի անդամ Պավլիկ Մանուկյանի փաստաբանների՝ Պավլիկ Մանուկյանի խափանման միջոց կալանքի երկարացման դեմ բողոք: Պավլիկ Մանուկյանը «Դատապարտյալների հիվանդանոց» ՔԿՀ-ից տեղափոխվել է դատարան:
Պավլիկ Մանուկյանի փաստաբան Հարություն Բաղադասարյանը NEWS.am-ի հետ զրույցում ասել էր, որ Երեւանի փոխոստիկանապետ Վալերի Օսիպյանի ցուցմունքը ներկայացվել է որպես «Սասնա ծռեր» խմբի անդամ Պավլիկ Մանուկյանի խափանման միջոց կալանքը երկարացնելու հիմնավորում, իսկ քրեական գործով Վալերի Օսպիյանը ճանաչվել է որպես տուժող:
Ավելի վաղ NEWS.am-ը տեղեկացրել էր, որ Պավլիկ Մանուկյանի կալանքի ժամկետը սպետեմբերի 23-ին Երեւանի Արաբկիր եւ Քանաքեռ-Զեյթուն դատարանը եւս երկու ամսով երկարացրել էր:
Հիշեցնենք, որ Պավլիկ Մանուկյանն ու իր որդին հուլիսի 27-ին ոտքի հրազենային վիրավորում են ստացել ՊՊԾ գնդի տարածքում։ Նրանց մեղադրանք է առաջադրվել ՀՀ ՔՕ 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել)։
Լուսանկարը՝ PHOTOLURE-ի