Թուրքիայի Յոզգաթ նահանի Սարըքայայի շրջանում գտնվող հայկական եկեղեցին խնամում է տեղի մզկիթի իմամ Մեթին Հալըջըն։
Թուրքական Dunyabulteni կայքի փոխանցմամբ՝ Յոզգաթի Սարըքայայի շրջանի Թերզիլի թաղամասում գտնվող պատմական հայկական եկեղեցին հայերի հեռանալուց հետո լքվել է, որից հետո տեղի մզկիթի իմամ Մեթին Հալըջըն է սկսել խնամել։
Իմամը նշել է, որ երբ հոգեւոր ծառայության է նշանակվել Սարըքայայում, շատ է զարմացել, էրբ տեսել է լքված հայկական եկեղեցին։ Նա ասել է, թե ինքը սիրով սկսել է խնամել ու մաքրել եկեղեցին։ «Եկեղեցին այնպես մաքուր ենք պահում, որ հայերը ամեն պահ կարող են գալ ու իրենց աղոթքն անել։ Եկեղեցին խնամելու հարցում ինձ օգնում են կինս եւ երեխաներս»,–ասել է իմամը։
Մեհմեդ Հալըջըի խոսքով եկեղեցի այցելող հայերը գոհ են մնում եկեղեցու վիճակից եւ իրեն շնորհակալություն են հայտնում։ «Եկեղեցու կառուցման տարեթվի հետ կապված տեղեկություններ չկան, սակայն Տուրիզմի եւ մշակույթի նախարարության մասնագետները նշում են, որ այն կառուցվել է 120 թվականներին»,–շեշտել է Մեհմեդ Հալըջըն։