Թաիլանդի բնակիչները հավաքվում են մայրաքաղաքում, որպեսզի հարգանքի տուրք մատուցեն թագավոր Փումիփոն Դուլյադետին, որը մահացել էր հոկտեմբերի 13-ին։ Թագավորին հրաժեշտ տալու արարողությունը կտեւի մի քանի ամիս, հայտնում է ՏԱՍՍ–ը։

Այս պահին նրա դագաղը տեղադրված է հատուկ շենքում։ Ավանդույթի համաձայն՝ բուդդա վանականները 172 օր մոտակայքում աղոթք են կարդալու թագավորի հոգու հանգստության համար։ Հպատակները կարող են դամբարանին խոնարհվել կրոնական ծեսի 15-րդ օրը։ Իսկ մինչ այդ նրանց թույլատրվում է ցավակցություն թողնել հատուկ գրքում։