Հալեպում զինյալների գնդակոծության հետեւանքով սեպտեմբերի սկզբից մինչեւ հիմա ավելի քան 130 երեխա է զոհվել, այս մասին ճեպազրույցում ասել է ՌԴ զինված ուժերի գլխավոր շտաբի գլխավոր օպերատիվ վարչության պետ Սերգեյ Ռուդսկոյը, փոխանցում է «ՌԻԱ Նովոստին»։
«Արեւմտյան Հալեպում զինյալների կողմից դպրոցների,մզկիթների, շուկաների գնդակոծությունները համակարգված բնույթ են ստացել։ Եվ այսպես հոկտեմբերի 13-ին ականակոծության հետեւանքով Սուլեյմանիա թաղամասում յոթ դպրոցական է զոհվել, իսկ սեպտեմբերի սկզբից առայսօր զինյալների զոհն է դարձել ավելի քան 130 երեխա»,- ասել է նա լրագրողներին։
