Ուկրաինայի կաթ արտադրողների ասոցիացիան Հայաստանում կկազմակերպի ուսուցանող տեսական-գործնական դասընթացներ եւ սեմինարներ, նվիրված կաթի արտադրության արդիական տեխնոլոգիաներին առնչվող հիմնախնդիրներին։ Այս մասին NEWS.am–ին հայտնել են Ասոցիացիայից։
Սեմինարներն ընթանալու են Վերակառուցման եւ զարգացման Եվրոպական բանկի (ՎԶԵԲ) հետ համատեղ՝ «Հայաստանի կաթի ֆերմաների արդյունավետության բարձրացում» ծրագրի երկրորդ փուլի շրջանակներում:
Սեմինարները կընթանան հոկտեմբերի 17-22–ը Հայաստանի մարզերում՝ Լոռու մարզի Սպիտակ քաղաքում, Ծեփաթաղ գյուղում, Գեղարքունիքի մարզի Վարդենիս քաղաքում։
