News
Լրահոս
News
Ուրբաթ
Մարտ 29
Տեսնել լրահոսը

Իրանի բնակլիմայական պայմանները նպաստավոր են ՀՀ-ի հետ գյուղատնտեսության տարբեր ճյուղերում փոխգործակցության համար: Այս մասին այսօր՝ հոկտեմբերի 18-ին, ՀՀ գյուղատնտեսության նախարար Իգնատի Առաքելյանի հետ հանդիպման ժամանակ նշել է Հայաստանում Իրանի դեսպան Սեյեդ Քազեմ Սաջադիին:

Հանդիպման սկզբում  դեսպանը շնորհավորել է Իգնատի Առաքելյանին ՀՀ գյուղատնտեսության նախարարի պաշտոնում նշանակվելու առթիվ եւ հույս հայտնել, որ նրա պաշտոնավարման ընթացքում հայ-իրանական հարաբերություններն  ագրարային բնագավառում ավելի կընդլայնվեն:

«Հայաստանի համար Իրանը հանդես է գալիս որպես տարածաշրջանում կարեւոր նշանակություն ունեցող երկիր, որի հետ գյուղատնտեսության ոլորտում կարելի է իրականացնել փոխշահավետ ծրագրեր, եւ չնայած այսօր իսկ մեր երկու երկրներն ակտիվորեն համագործակցում են, սակայն հարկավոր է գործնական քայլեր ձեռնարկել երկկողմ հարաբերություններն ավելի սերտացնելու ուղղությամբ», – ողջունելով հյուրերին` նշել է նախարար Իգնատի Առաքելյանը:

Նախարարը նաեւ հավելել է, որ հայկական կողմը պատրաստ է քննարկել իրանական կողմի ներկայացրած յուրաքանչյուր առաջարկ, որն ուղղված կլինի երկու երկրների գյուղատնտեսության ոլորտների զարգացմանը:

Դեսպան Սեյեդ Քազեմ Սաջադին իր հերթին ընդգծել է, որ Հայաստանի եւ Իրանի միջեւ առկա է առեւտրատնտեսական համագործակցության մեծ ներուժ, եւ այդ ուղղությամբ երկու երկրների միջեւ կապերը խթանելու համար ՀՀ գյուղատնտեսության նախարարությունը կարող է յուրահատուկ կամուրջ հանդիսանալ:  

Նա նշել է, որ Իրանի բնակլիմայական պայմանները նպաստավոր նախադրյալներ են ստեղծում Հայաստանի հետ գյուղատնտեսության ոլորտի տարբեր ճյուղերում փոխգործակցության համար, մասնավորապես,  սերմնաբուծության, անասնաբուծության, ջերմոցային տնտեսությունների զարգացման, ծաղկաբուծության, վերամշակման եւ ձկնաբուծության ճյուղերում` առանձնահատուկ կարեւորելով ծովախեցգետնի արտադրությունը: Միաժամանակ Իրանի դեսպանն ընդգծել է, որ վերոնշյալ ուղղություններով հաջող եւ արդյունավետ համագործակցության կազմակերպման դեպքում պատրաստի արտադրանքը հնարավոր կլինի նաեւ արտահանել:

Երկկողմ համագործակցությունն ավելի ամուր հիմքերի վրա դնելու նպատակով դեսպանն առաջարկել է կազմակերպել գյուղատնտեսական արտադրանքի ցուցահանդեսներ` երկու երկրների գործարարների մասնակցությամբ:

Դեսպան Սեյեդ Քազեմ Սաջադին հրավիրել է նախարար Իգնատի Առաքելյանին այցելել Իրան` երկրի գյուղատնտեսության բնագավառի ներկա վիճակին տեղում ծանոթանալու նպատակով:

ՀՀ գյուղատնտեսության նախարարը հավաստիացրել է հյուրին, որ մանրամասն կուսումնասիրի հնչեցված առաջարկներն ու պատրաստակամություն հայտնել միջոցներ ձեռնարկել երկկողմ համագործակցությունն ավելի արդյունավետ դարձնելու համար:

Տպել
Կարդացեք նաև
Ամբողջը
Իրանի դեսպանը՝ Տավուշի մասին. Եթե ասում ենք՝ աջակցում ենք ՀՀ տարածքային ամբողջականությանը, միայն հարավին չի վերաբերում
Մենք զարգացումներին շատ ուշադիր հետեւում ենք...
Նոր լիցք կհաղորդենք երկկողմ հարուստ օրակարգին. Փաշինյանը՝ շնորհավորել է Իրանի հոգևոր առաջնորդին և նախագահին
Իմ անկեղծ շնորհավորանքներն եմ հղում Ձեզ իրանական Ամանորի՝ Նոուրուզի կապակցությամբ: Թող գալիք տարին հարևան և բարեկամ Իրանի ժողովրդի համար…
Իրանի դեսպանը հետաքրքրվել է ՀՀ-ում հանքարդյունաբերության ոլորտի հնարավորություններից
ՀՀ ՏԿԵ նախարարի տեղակալ Հովհաննես Հարություննյանը, անդրադառնալով դեսպանին հուզող հարցերին, շեշտել է, որ Հանքարդյունաբերության ոլորտի…
Իրանի պաշտպանության նախարարը զեկուցել է Հայաստանի հետ ռազմական կապերի քննարկումների մասին
Ռազմական տեխնիկայի արտահանումը վերջին երկու տարվա ընթացքում աճել է 4-5 անգամ, ասել է գեներալ Մոհամմադ Ռեզա Աշտիանին...
ՀՌՀ-ում կայացել է իրանցի մեծ բանաստեղծ Նիզամի Գյանջավիի հիշատակին նվիրված գիտաժողով
Միջոցառմանը մտքերի փոխանակում է տեղի ունեցավ Նիզամի Գյանջավիի կյանքի և ստեղծագործության...
Իրանը պատրաստ է ռազմական միջամտության՝ Հայաստանի տարածքով միջանցքի բացումը կանխելու համար. Հոսեյնի
Նա հիշեցրեց, որ Իրանի գերագույն առաջնորդը և՛ Պուտինին, և՛ Էրդողանին ասել է, որ Թեհրանը թույլ չի տա կտրել Հայաստանի հետ դարավոր սահմանը...
Ամենաշատ