Հրաբխի ժայթքման թարմ հետքեր են հայտնաբերվել Վեներայի վրա՝ Ինդուն սարի մոտակայքում։ Դա կարող է վկայել այն մասին, որ Վեներայի ընդերքը այս պահին կենդանի է՝ այդ բառի երկրաբանական իմաստով, հայտնում է Informing–ը։
Մասնագետների խոսքով, իր ձեւավորման պայմաններով Վեներան մեր մոլորակն է հիշեցնում, միայն թե մթոնոլորտը շիկացած է մինչեւ 462 աստիճան ըստ Ցելսիուսի։
Հենց դրա համար էլ Վեներայի վրա ջուր չկա։ Ընդ որում դրա մթնոլորտի կազմը ածխաթթու գազի ու ծծմբաթթվի խառնուրդ է։
Գիտնականներին հաջողվել է մոլորակի երկրաբանական կառուցվածքի ուսումնասիրություն կատարել նորագույն տեխնոլոգիաների, նաեւ ինֆրակարմիր լուսանկարների ու բարձրորակ ռադարների օգնությամբ արված լուսանկարների օգնությամբ։
Գիտնականների վարկածով մոլորակի ընդերքում ջերմությունը կուտակվել է այնքան ժամանակ քանի դեռ չեն սկսվել հրաբուխների զանգվածային ժայթքումներ, որոնք մեծ քանակության ծծումբ ու ածխաթթու գազ են արտանետել մթնոլորտ։ Դրա պատճառով էլ Վեներան վերածվել է հսկայական ջերմոցի։
Վերջին ժայթքումը խոսում է այն մասին, որ Վեներայի վրա առայսօր տեղի են ունենում երկրաբանական գործընթացներ։