Երեւան-Սեւան ճանապարահին հոկտեմբերի 18-ին տեղի ունեցած վթարից «Հերացի» թիվ 1 հիվանդանոցային համալիր տեղափոխված 3 հիվանդների վիճակը բավարար է: NEWS.am-ին հիվանդանոցից տեղեկացրին, որ 20-ամյա Հրանտ Գասպարյանը, որ գտնվում է Վերակենդանացման բաժանմունքում, այսօր կտեղափոխվի հիվանդասենյակ, իսկ Mercedes Benz Sprinter-ի վարորդի եւ երթուղայինում գտնված մեկ այլ ուսանողուհու առողջական վիճակը բավարար է:
Ավելի վաղ տեղեկացրել էինք, որ Երեւան-Սեւան ճանապարահին տեղի ունեցած վթարից մահացել է Վարսեր գյուղի բնակչուհի 18-ամյա Հռիփսիմե Գասպարյանը: Վթարի ենթարկված Mercedes Benz Sprinter ավտոմեքենայում եղած երիտասարդները բոլորը Վարսեր գյուղի բնակիչներ են՝ ուսանողներ, որոնք գալիս են եղել դասի:
Ավելի վաղ տեղեկացրել էինք, որ Կոտայքի մարզում, այսօր՝ հոկտեմբերի 18-ի առավոտյան ժամը 08.30-ի սահմաններում խոշոր ու ողբերգական ավտովթար է տեղի ունեցել. Երեւան-Սեւան ավտոճանապարհի 44-րդ կմ հատվածում բախվել են «Օպել» մակնիշի եւ Mercedes Benz Sprinter մակնիշի ավտոմեքենաները։ Վթարի հետեւանքով մահացել է մեկ, վիրավորվել՝ 9 մարդ:
