Արաբական միացյալ էմիրությունների բնակիչն առաջին անգամ կնոջն առանց դիմահարդարման է տեսել, ինչից հետո ապահարզան է պահանջել: Այս մասին գրում է Lenta-ն՝ վկայակոչելով Metro-ն:
Պարբերականի տվյալներով՝ ամուսինները միասին հանգստացել են Շարժայի լողափերից մեկում: Երբ կինը մաքրել է դիմահարդարումը՝ լողալու համար, ամուսինը նրա արտաքինում փոփոխություններ է նկատել:
Նա նաեւ 24-ամյա կնոջից պարզել է, որ նա մի քանի պլաստիկ վիրահատություն է կատարել, արհեստական թարթիչներ է կրում եւ գունավոր ոսպնյակ:
Արդյունքում 30-ամյա տղամարդը որոշել է բաժանվել կնոջից: Նշվում է, որ նա իրեն խաբված է զգում: Բաժանումից հետո կնոջ հետ աշխատող հոգեբանի խոսքով՝ ԱՄԷ-ի բնակիչը հրաժարվել է այսուհետ շփվել նրա հետ:
