Հայաստանի խորհրդարանական ուժերը կարողացան քննարկումները շարունակել եւ համաձայնության գալ Ընտրական օրենսգրքի հարցում: Այս մասին այսօր՝ հոկտեմբերի 19-ին, խորհրդարանում հայտարարեց Ազգային ժողովի փոխնախագահ, Հանրապետական կուսակցության մամուլի խոսնակ Էդուարդ Շարմազանովը:
Նա շնորհակալություն հայտնեց ՀՀԿ-ին եւ մնացած բոլոր ուժերին, որոնք օրինագիծը քննարկել են առաջին եւ երկրորդ ընթերցմամբ: «Նրանց ջանքերի եւ արդյունավետ աշխատանքի շնորհիվ հաջողվեց հասնել համաձայնության բարի լուրին: Մենք նույն գետը երկու անգամ մտանք՝ 1-ին ընթերցմամբ ընդունված տեքստում ուղղումներ կատարեցինք 2-րդ ընթերցմամբ: Գլխավոր հարցում մենք համաձայնության ենք եկել, իսկ երկրորդական հարցերում կպայմանավորվենք»,- ասել է նա:
Առաջարկվում է այլ քաղաքացու փոխարեն քվեարկությունը, ինչպես 1-ին ընթերցմամբ, պատժել 2-5 տարի ժամկետով ազատազրկմամբ: Այլ անձի փոխարեն կեղծ քվեարկության մասին հնարավոր է հայտարարություն ներկայացնել: Բայց որպեսզի քաղաքացիներին եւ ընտրատեղամասերը պաշտպանեն հայտարարությունների հեղեղումից, առաջարկվել է նույնքան խիստ պատժել կեղծ տեղեկատվության համար: Դրան ընդդիմությունը առարկել է՝ ասելով, որ ընտրությունների կեղծարարությանը հետեւող ակտիվիստները պատահական սխալի համար բանտում հայտնվելու վտանգի կենթարկվեն: Դրանից ելնելով՝ իշխանությունը փոխզիջում է առաջարկել: Եթե պարզվի հայտարարությունը կեղծ է, բայց հայտարարողը անզգուշության հետեւանքով է սխալվել, ապա նա կպատժվի 200-ից մինչեւ 800 հազար դրամ (միչեւ 1700 դոլար) տուգանքով, կամ նույնպես քրեական պատասխանատվությամբ, բայց մինչեւ 2 տարի ժամկետով: Դիտավորյալ կեղծ հայտարարությունների համար պատիժը նախկինն է մնում:
