Իրաքի բանակի հատուկ նշանակության ջոկատները միացել են «Իսլամական պետություն» ահաբեկչական խմբավորման գրոհայիններից Մոսուլի ազատագրման գործողությանը: Այս մասին հայտնում է Associated Press-ը:
Գեներալ Մաան ալ-Սաադին տեղեկացրել է, որ հակաահաբեկչական ուժերն ԱՄՆ-ի գլխավորած միջազգային կոալիցիայի ավիացիայի աջակցությամբ եւ հրետանային պատրաստությամբ հարձակում են սկսել Իրաքի հյուսիսում գտնվող Բարթալլա քաղաքի վրա: Հնարավոր է՝ հատկապես հատուկ նշանակության ջոկատայիններն առաջինը մոտենան Մոսուլին, որտեղ նրանց ԻՊ-ի գրոհայինների լուրջ դիմադրություն է սպասում:
Չորրորդ օրը շարունակվող Մոսուլի ազատագրման գործողությանը մասնակցող քուրդ աշխարհազորայինների (փեշմերգայի) ջոկատները հայտարարություն են տարածել, որում նշված է «խոշորամասշտաբ հարձակման» նախապատրաստման մասին: