Հիմնադրամի 2016թ.-ի դրամահավաք քարոզարշավը մեկնարկում է Հայփոստի հետ համատեղ իրականացվող դրամահավաք-ձեռնարկով:
Հիմնադրամից NEWS.am-ին հայտնում են, որ դրամահավաքն այս տարի կանցկացվի «Իմ Արցախը» խորագրի ներքո: Նախորդ տարիների նման նվիրատվություններ կընդունվեն Հայփոստի երեւանյան եւ մարզային բոլոր բաժանմունքներում՝ հնարավորություն տալով ցանկացողներին մասնակից դառնալու Արցախի տուժած բնակավայրերի վերականգնմանը:
Սկսվելով հոկտեմբերի 20-ին՝ փոստային նվիրատվությունները կշարունակվեն մինչեւ տարեվերջ: