Պատրաստ չենք հրաժարվել արտաբյուջետային միջոցներից եւ հիմնադրամներից։ Այս մասին այսօր՝ հոկտեմբերի 20-ին, խորհրդարանում լրագրողների հետ զրույցում ասաց գյուղատնտեսության նախարար Իգնատի Առաքելյանը։
«Մենք ունենք գիտական ինստիտուտներ, որոնց ֆինանսավորման համար արտաբյուջետային միջոցներն ու հիմնադրամներն անհրաժեշտ են։ Մենք պատրաստ չենք հրաժարվելու այդ միջոցներից»,- ասաց նախարարը։
Հիշեցնենք, որ Հայաստանի առաջին նախագահ Լեւոն Տեր-Պետրոսյանն առաջարկել էր նախարարություններին հրաժարվել արտաբյուջետային միջոցներից։ Իգնատի Առաքելյանը նշեց, որ այդ հայտարարության եւ առաջարկի մասին ինքը տեղյակ չէ, այնուամենայնիվ, չեն պատրաստվում հրաժարվել այդ միջոցներից։