Արտաբյուջետային միջոցները կառավարվում են այնպես, ինչպես բյուջետային գործընթացում այլ ծախսերը: Այս մասին այսօր` հոկտեմբերի 20-ին, խորհրդարանում լրագրողների հետ զրույցում ասաց ՀՀ ֆինանսների նախարար Վարդան Արամյանը` անդրադառնալով Լեւոն Տեր-Պետրոսյանի առաջարկին, թե նախարարությունների արտաբյուջետային միջոցներից պետք է հրաժարվել:
«Նույն ձեւով նախագծվում են, գնումների գործընթացն է իրականացվում: Հիմնականում կոռուպցիոն ռիսկերը դրսեւորվում են գնումների գործընթացում: Այս մասով էլ ասեմ, որ գնումների գործընթացը վերահսկելու համար օրենք ենք մշակել, որը կբարձրացնի թափանցիկությունը, նույնն էլ կտարածվի արտաբյուջետային միջոցների վրա»,- ասաց ֆինանսների նախարարը:
Նշենք, որ Ազգային ժողովում այսօր քննարկվում է Կառավարության ծրագիրը:
