ՌԴ Արմավիր քաղաքում ավարտվել է ոսկերչական խանութի կողոպուտի գործի քննությունը։ Այս մասին հայտնում է Կուբանի դատախազության մամուլի ծառայությունը։
Դատարանի առաջ կկանգնի Հայաստանի քաղաքացի Աղասի Մակարյանը եւ Օրենբուրգի մարզի բնակիչ Ալեքսեյ Ալեքսանդրիչովը։ Նրանց մեղադրանք է ներկայացվել հատկապես խոշոր չափի գողության համար։ Գործի երրորդ ֆիգուրանտի նկատմամբ առանձին վարույթ է հարուցվել։
Հիշեցնենք, որ ոսկերչական խանութի վրա հարձակումը տեղի էր ունեցել մարտին։ Առավոտյան խանութ էին ներխուժել 3 տղամարդ եւ վաճառողուհուն գետնին տապալելով՝ գողացել ոսկյա զարդերը։ Վնասը կազմել էր 40 մլն ռուբլի։
