Պետք չէ վախենալ մեծ պետական պարտքից, պարզապես այն պետք է բարձր ավելացված արժեք ստեղծի։ Այս մասին հոկտեմբերի 20-ին խորհրդարանում ասել է վարչապետ Կարեն Կարապետյանը՝ պատասխանելով ՕԵԿ խմբակցության պատգամավոր Իշխան Խաչատրյանի հարցին։
Ամեն բան կախված է պարտքի կառուցվածքից։ Պետք չէ վախենալ դրանից, ասել է վարչապետը։
Իմ անձնական կարծիքով՝ դա կարող է լինել եւ ՀՆԱ 80 տոկոսը։ «Իմ գործընկերները կարող են ասել, թե չի կարելի այդպես խոսել, թույլատրելի սահմանը 60 տոկոսն է։ Բայց կարեւոր է, թե այդ պարտքը ավելացրած արժեք ստեղծում է, թե ոչ»,– ասել է վարչապետը։