Եթե Հայաստանի վարչապետը պատրաստ է կտրել ճյուղը, որի վրա նստած է իշխանությունը, մենք պատրաստ ենք լինել նրա դաշնակիցները։ Այս մասին հոկտեմբերի 20–ին՝ խորհրդարանում Կառավարության ծրագրի քննարկման ժամանակ, ասել է ԲՀԿ ղեկավար Նաիրա Զոհրաբյանը։
«Կբավականացնի՞ Ձեր համարձակությունը կտրել այն ճյուղը, որի վրա նստած է իշխանությունը։ Եթե այո, ապա, ինչպես ասում են՝ No comment։ Ես այդքան էլ լավատեսորեն չեմ տրամադրված, քանի որ ես իրատես եմ։ Եթե Դուք փորձեք ձեռք տալ մոնոպոլիստներին, որոնք 2017-ի ապրիլի 2-ին մեծամասշտաբ ընտրակեղծումներով կապահովեն իշխանությանը վերարտադրությունը, ես անկեղծ ասած, չգիտեմ, թե Ձեզ հետ ինչ կլինի»,– նշել է Նաիրա Զոհրաբյանը։
Պատգամավորը, հավելեց, որ մենք բոլորս գիտենք, թե ով հարկեր չի վճարում, ով տնտեսության մեջ դոմինանտ դիրք ունի, թեպետ ինքը կասկածի տակ չի դնում վարչապետի բարի մտադրությունները։
