Եվրամիությունը պետք է Ռուսաստանին հստակ ազդակ հաղորդի նրա գործողություններին չհամաձայնելու եւ չընդունելու մասին: Այս մասին Բրյուսելում ԵՄ գագաթնաժողովի մեկնարկից առաջ DW-ի հետ հարցազրույցում հայտարարել է Եվրախորհրդարանի նախագահ Մարտին Շուլցը:
«Այն, ինչ Ռուսաստանն է անում, բացարձակ անընդունելի է: Նրա ագրեսիվ գործողությունների հետեւում հասարակության այնպիսի մոդել է, այնպիիսի աշխարհայացք, որը ոչ մի ընդհանուր բան չունի փոխադարձ հարգանքի եւ փոխադարձ անկեղծության եվրոպական փիլիսոփայության հետ»,- ընդգծել է Շուլցը:
«Ուղերձը, որը եվրոպացիները պետք է հասցնեն Պուտինին, նշում է. Մենք ձեզ հետ համաձայն չենք»,- ասել է Եվրախորհրդարանի ղեկավարը:
Ի տարբերություն Պուտինի՝ Եվրամիությունը չի պատրաստվում Սիրիայի ճգնաժամի լուծման համար ուժային մեթոդներ կիրառել: «Այն, ինչ այսօր Սիրիային անհրաժեշտ է, զենքը չէ: Հակառակը՝ որքան հնարավոր է քիչ զենք եւ զինված հակամարտություններ»:
