2017 թ․ մարտ- ապրիլ ամիսներին պատրաստ կլինի օրգանական արտադրանքի վերաբերյալ նոր օրենսդրությունը։ Այս մասին NEWS.am–ի թղթակցին ասել է ՀՀ գյուղատնտեսության փոխնախարար Արմեն Հարությունյանը։
Հայկական կողմին օգնում է Օրգանական գյուղատնտեսության միջազգային ֆեդերացիան (IFOAM)։ Մասնագետները օգնում են բարելավել եւ՛ սերտիֆիկացման կանոնակարգերը, ե՛ւ համապատատասխան օրենսդրությունը։
«Կան կազմակերպություներ, որոնք ապրանքի անվանման մեջ օգտագործում են «բիո», «էկո», «օրգանիկ» բառերը: Մենք պիտի նրանց օգնենք կամ իսկապես օրգանիկ դառնալ, կամ էլ որոշ ժամանակ տանք, որ նրանք նոր ապրանքանիշով ներկայանան շուկային, որովհետեւ օրգանիկն ունի իր չափանիշները եւ դրանց պետք է հետեւել»,- նշեց փոխնախարարը:
