Վրաստանի նախկին նախագահ Միխայիլ Սահակաշվիլին երկրի իշխանություններին մեղադրել է հոկտեմբերի 8-ի խորհրդարանական ընտրությունները կեղծելու մեջ, հայտնում է «Սպուտնիկ Գրուզիա»–ն։
«Իմ դիրքորոշումը միշտ պարզ է եղել. սկզբում մենք պատրաստվում էինք հաղթել առաջին փուլում, եւ դրանից հետո ես պատրաստվում էի ժամանել եւ երկրորդ փուլում մասնակցել ընտրությունների աջակցությանը։ Սակայն պատահեց այն, ինչ պատահեց»,– ասել է Սահակաշվիլին Facebook–ում տարածած հեռուստաուղերձի միջոցով։
Նշենք, որ Վրաստանի միամանդատ շրջանների մեծ մասում կկայանա ընտրությունների 2-րդ փուլ։ Այդ ժամանակ էլ կորոշվի, թե ով է ստանում խորհրդարանական մեծամասնությունը։ Իսկ մինչ այդ առաջատար է «Վրացական երազանք» կուսակցությունը։