ՌԴ ու Թուրքիայի հարաբերությունները, որոնք վատացել էին ռուսական «Սու 24»-ի խոցումից հետո, դեռ ամբողջովին չեն վերադարձել մինչճգնաժամային մակարդակին, «գործընթացը նոր է սկսվել», հայտնել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է «ՌԻԱ Նովոստին»։
«Ես կարծում եմ, որ այդ գործընթացը նոր է ընթանում։ Եվ իհարկե չի կարելի խոսել այն մասին, որ այն արդեն ավարտվել է»,- ասել է դիվանագետը ճեպազրույցի ժամանակ։ «Բարձրագույն մակարդակով շփումներից հետո ստորագրվել են մի շարք փաստաթղթեր, որոնք պետք է նպաստեն հարաբերությունների մակարդակի վերականգնմանը, այդ թվում տնտեսական ոլորտում։ Եվ դուք հոյակապ հասկանում եք, որ ստորագրման պահից մինչեւ իրականացում պետք է որոշ ժամանակ անցնի։ Այս օրինակը խոսում է այն մասին, որ այդ գործընթացը դեռ նոր է ընթանում»,- բացատրել է նա։
Ինչ վերաբերում է Սիրիայում իրավիճակին, ապա «մեր եւ մեր թուրք գործընկերների միջեւ շփումն իրոք վերականգնվել է ու ընթանում է տեսակետների փոխանակություն», հայտնել է ՌԴ ԱԳՆ ներկայացուցիչը։
