Կոստա Ռիկայի ափի մոտ վթարի է ենթարկվել թեթեւ շարժիչով Cessna օդանավը, որը տեղափոխում էր բրիտանական Made In Chelsea ռիալիթի շոուի նկարահանման խմբին։

Նախնական տվյալներով վթարի պատճառը եղանակային վատ պայմաններն են եղել, որոնց հետեւանքով օդանավն ընկել է Խաղաղ օվկիանոս։ Վթարի պահին օդանավում են գտնվել հեռուստաշոուի երկու պրոդյուսերները, երկու տեխնիկական տնօրենները ու օդաչուն, հայտնում է Life-ը։

Առափնյա պաշտպանության նավերը կարողացել են բոլոր տուժածներին օպերատիվ կերպով հանել ջրից ու ափ տեղափոխել։ Բարեբախտաբար ավիավթարի հետեւանքով ոչ ոք լուրջ վնասվածք չի ստացել։

E4 հեռուստաընկերության ղեկավարությունը շնորհակալություն է հայտնել Կոստա Ռիկայի փրկարարական ծառայություններին օպերատիվ արձագանքման ու օգնության համար։