Իրաքի Քիրքուք քաղաքի մոտակայքում գտնվող էլեկտրակայանի վրա ահաբեկիչների հարձակման հետեւանքով 19 մարդ է զոհվել: Երեք մահապարտ ահաբեկիչներ փորձել են այն գրոհով գրավել: Երբ նրանց հարձակումը հետ է մղվել, երկուսը պայթեցրել են իրենց, իսկ մեկը սպանվել է փոխհրաձգության ժամանակ: DW-ի փոխանցմամբ՝ այս մասին հայտարարել է քաղաքապետ Աբդուլլահ Նուր ադ-Դինը:
Էլեկտրակայանի օպերատորներից մեկը իրանական ընկերություն է: Էլեկտրակայանի զոհված աշխատակիցների թվում 12-ը իրաքցի են, 4-ը՝ իրանցի:
NRT քրդական հեռուստաալիքը հայտնում է, որ «Իսլամական պետություն» ահաբեկչական խմբավորման գրահայինները հարձակվել են նաեւ անվտանգության ուժերի կենտրոնակայանի, ոստիկանական մի քանի բաժանմունքների եւ Քիրքուկի քաղաքապետարանի շենքի վրա: Տուժածների մասին առայժմ տեղեկություններ չեն հաղորդվում: Իրաքի հյուսիս-արեւմուտքում քրդերի վերահսկողության տակ գտնվող քաղաքի վրա հարձակվելուց հետո նույնանուն նահանգում պարետային ժամ է մտցվել:
