ԻՊ–ը Մոսուլի մոտ բնակվող 550 ընտանիք է առեւանգել եւ նրանց օգտագործում է որպես կենդանի վահան։ Այս մասին ասել է ՄԱԿ՝ մարդու իրավունքների հարցերով Գերագույն հանձնակատարի մամուլի խոսնակ Ռավինա Շամդասանին, փոխանցում է «ՌԻԱ Նովոստի»–ն։
ՄԱԿ՝ մարդու իրավունքների հարցերով հանձնաժողովն ուսումնասիրում է նաեւ գյուղերից մեկում 40 խաղաղ բնակիչների սպանության հանգամանքները։
Իրաքի կառավարական բանակը քրդերի ինքնապաշտպանության ջոկատների եւ ԱՄՆ ղեկավարած կոալիցիայի աջակցությամբ հոկտեմբերի 17-ին սկսել էր Մոսուլը ԻՊ գրոհայիններից ազատագրելու գործողությունը։