ԱՄՆ պաշտպանության նախարար Էշթոն Քարթերը խոստացել է Թուրքիա կատարելիք իր այցի ընթացքում Անկարային համոզել Իրաքի ինքնիշխանությունը հարգելու անհրաժեշտությունը, որը մտադիր է մասնակցել «Իսլամական պետության» գրոհայիններից Մոսուլի ազատագրման գործողությանը, չնայած Բաղդադի բողոքներին: Այս մասին հայտնում է BBC-ն:
Ըստ որում՝ Քարթերը հրաժարվել է պատասխանել լրագրողների այն ուղիղ հարցին, թե արժե՞ Թուրքիային թույլ տալ Իրաքի տարածքում մասնակցելու ռազմական գործողություններին: Նախկինում Վաշինգթոնն արդեն հայտարարել է, որ այդ կապակցությամբ որոշումը պետք է Բաղդադն ընդունի:
Քարթերը նաեւ չի մեկնաբանելԹուրքիայի կողմից Սիրիայի հյուսիսում քրդերի ջոկատին հասցված ավիահարվածը, որոնք ԱՄՆ-ի կողմից աջակցվող ռազմական կազմավորումների դաշնակիցներն են:
Լրագրողների հետ զրույցում Քարթերն ընդգծել է, որ ԱՄՆ-ը դաշնակից եւ «մերձավոր ընկեր» է համարում եւ՛ Թուրքիային, եւ՛ Իրաքին: «Մենք ցանկանում ենք, որ բոլորը կենտրոնանան մեր գլխավոր խնդրի վրա՝ գրոհայինների դեմ պայքարի»,- ասել է նա: