Հալեպում հումանիտար դադարը երկարացնելու որոշումը ռուս զինվորականները կընդունեն ընթացիկ իրադրությունից ելնելով, հայտարարել է Ռուսաստանի նախագահի մամուլի քարտուղար Դմիտրի Պեսկովը:
Դա, մասնավորապես, կախված է այն հանգամանքից, թե քաղաքի արեւելյան հատվածում արդյոք գրոհայինները դադարը կօգտագործեն վերակազմավորվելո՞ւ համար, թե՞ Հալեպից կհեռանան: Հալեպից ծայրահեղականների հեռանալու գործընթացը նա առայժմ դանդաղ է համարել: «Այնտեղ իրադրությունը բավական արագ է փոխվում, այն կարող է նաեւ վատթարագույն ուղղությամբ փոխվել»,- ընդգծել է Պեսկովը: Այս մասին հայտնում է ՏԱՍՍ-ը:
Ավելի վաղ Ռուսաստանի ԱԳ նախարար Սերգեյ Լավրովը նշել է, որ Մոսկվան Վաշինգթոնին տեղեկացրել է Հալեպում լռության ռեժիմը երկարացնելու պատրաստակամության մասին, եթե գրոհայինները քաղաքում չակտիվանան:
