Բրիտանացի լրագրողների ուշադրությունը գրավել է այն հանգամանքը, որ թագավորությունում վերջերս նկատվում է կեղծ բրիտանական անձնագրերի աննախադեպ պահանջարկ։ Մեկնաբանները դա կապակցում են նրա հետ, որ Brexit–ի մասին հանրաքվեից հետո Անգլիայում ապրող եվրոպացիները, ըստ երեւույթին, վախենում են երկրից արտաքսվելուց։
Կեղծ անձնագիր ձեռք բերելը հեշտ է ՝ այն կարելի է պատվիրել համացանցում։ Ընդ որում առաջարկները բավականին շատ են։ Գնորդներին չի վանում նույնիսկ բավականին բարձր գինը։
Չնայած ոմանք էլ բացահայտ դեմպինգի են դիմում՝ առաջարկելով որակյալ ու արագ ձեւակերպել բրիտանական անձնագիր ընդամենը երկու հազար ֆունտով։ Ընդ որում գնորդներին խոստանում են փաստաթղթի անվճար առաքում ցանկացած երկիր, իսկ նրանց, ովքեր եւս մեկ պատվիրատու կապահովեն՝ նաեւ պատվերի գումարի 1 տոկոսը։
Ընդ որում նկարագրությունից հասկանալի է դառնում, որ ֆիրման Մեծ Բրիտանիայի տարածքում է գտնվում։
Սքոթլանդ Յարդն էլ իր հերթին նախազգուշացնում է բրիտանական անձնագրերի գողության դեպքերի հաճախացման մասին։ Խաբեբաները փոխում են դրանց առաջին էջերը, իսկ հետո վաճառում։
Նշում են, որ միայն 2016-ի հունվար- օգոստոս ամիսներին բրիտանացիները կորցրել կամ նրանցից գողացել են 270 հազար փաստաթուղթ։ Հիմնականում դա տեղի է ունեցել Հունաստանում ու Իսպանիայում, որտեղ, ինչպես տեղի բնակիչներն են բողոքում, հարբած բրիտանացիները հաճախ են դեբոշներ կազմակերպում։