Թագավոր Ռոբերտ Բարատեոնի խառնածին որդի Ջենդրին կվերադառնա «Գահերի խաղը» սերիալ յոթերորդ եթերաշրջանում, հայտնում է The Independent–ը։
Այդ մասին են վկայում այն կադրերը, որոնք պապարացիներն արել են Իսպանիայում նկարահանումների ժամանակ։ Ջենդրիից բացի տեսարանին մասնակցում են Դավոս Սիվորտը ու Տիրիոն Լաննիստերը։ Ջենդրիի ձեռքին նրա հոր զենքն է։
Վերջին անգամ Ջենդրին «Գահերի խաղը» սերիալում հայտնվել էր երրորդ եթերաշրջանում։ Նրա դերը սերիալում կատարում է բրիտանացի դերասան Ջո Ջեմփսին։ Յոթերորդ եթերաշրջանի պրեմիերան ծրագրված է 2017-ի ամռանը։