Գյուղատնտեսական ապահովագրությունն ավելի լավ է սկսել ոչ թանկարժեք ապահովագրություններից ՝ ծախսերի համար, այլ ոչ թե բերքի։ NEWS.am- ի թղթակցի հետ զրույցում նման տեսակետ է հայտնել Acba Credit Agricole բանկի տնօրեն Հակոբ Անդրեասյանը։
Ապահովագրությունը, բնականաբար, կնվազեցնի արգրարային վարկերի գծով չվճարումների ռիսկերը, բայց չպետք է շատ թանկացնի բերքն ու վերամշակման արտադրանքը։ «Երկու տեսակի ապահովագրություն կա՝ բերքի ու ծախսերի։ Բերքն ապահովագրելը շատ թանկ է, պետք է նկատի ունենալ։ Իսկ երբ ծախսերն ես ապահովագրում,ինչ -որ տոկոսային հարաբերակցությամբ, այդ դեպքում կարող է եւ ավելի էժան ստացվել։ Իսկ սկզբում պետք է ոչ թանկարժեք ապահովագրություններ առաջարկել, որպեսզի գյուղացիները սովորեն»,- նշել է Անդրեասյանը։
Credit Agricole ֆրանսիական կոնցեռնի կազմում, որը ACBA–ի բաժնետերերից մեկն է, երեք ապահովագրակամ ընկերություններ են, որոնցից մեկը ապահովագրում է բիզնեսը, այդ թվում ագրարային։ «Մենք պատրաստ ենք մեր ֆրանսիացի գործընկերների փորձը կիսել գյուղատնետսական ոլորտի վարկավորման քաղաքականության քննարկումների ժամանակ»,- վստահեցրել է Հակոբ Անդրեասյանը։ Նրա խոսքով, ի լրումն ասվածին, պետք է հաշվի առնել՝ ապահովագրական ընկերությունների համար ավելի հեշտ կլինի, եթե տեղում լինի գոնե որեւէ պաշտպանական ենթակառուցվածք, օրինակ հակակարկտային ցանցեր՝ մրգի այգիներում։
Նշենք, որ բանկը Հայաստանի գյուղատնտեսության ամենախոշոր վարկատուն է։ 2016-ի երկրորդ եռամսյակին բանկի ագրովարկերի պորտֆելը կազմել է 75․2 մլրդ դրամ։
