ԱՄՆ-ում ռուսաստանցի Եվգենի Նիկուլինին մեղադրանք են առաջադրել LinkedIn, Dropbox եւ Formspring ընկերությունների համակարգիչներից տեղեկությունների գողանալու համար։
Օքլենդում դաշնային մեծ ժյուրին ավելի վաղ հաստատել էր հոկտեմբերի 5-ին Պրահայում ձերբակալված 29-ամյա ռուսաստանցու մեղադրանքը։
Ամերիկյան դատախազության տվյալներով, Նիկուլինը 2012-ին օգտագործել էր LinkedIn–ի աշխատակիցներից մեկի տվյալները, որպեսզի մուտք գործի ընկերության համակարգիչներ։ Գերատեսչությունում նաեւ կարծում են, որ Նիկուլինը մասնակցել է մի շարք անձանց հետ դավադրության, որոնց անունները չեն հայտնում՝ Formspring-ի օգտատերերի գողացված հաշվառման տվյալները վաճառելու համար։