«Սասնա ծռեր» խմբի անդամ Հովհաննես Վարդանյանի որդուն, որին հոկտեմբերի 21-ին 1 միլիոն դրամի դիմաց ազատ են արձակել, դեռ շարունակում է մնալ անազատության մեջ: NEWS.am-ի հետ զրույցում նրա եղբայրը՝ Պարույրը, նշեց, որ չեն կարողանում գտնել անհրաժեշտ գումարը՝ գրավը վճարելու համար:
Ավելի վաղ փաստաբան Ստեփան Ոսկանյանը մեզ հետ զրույցում ասել էր, որ Մարտին Վարդանյանին մեղադրանք են առաջադրել` այդ կերպ ճնշում գործադրելու համար «Սասնա ծռեր» խմբի կազմում գտնվող նրա հոր՝ Հովհաննես Վարդյանյանի նկատմամբ: Նա նշել էր, որ իր պաշտպանյալի նկատմամբ առաջադրված մեղադրանքը հիմնավորված չէ, նրան մեղադրում են «Սասնա ծռեր» խմբին անդամների հեռախոսները լիցքավորելու եւ նրանց համար աջակիցներ փնտրելու մեջ։
Մարտին Վարդանյանին ձերբակալել էին հուլիսի 22-ին, 25-ին մեղադրանք առաջադրել ու կալանավորել։