Տնտեսական դաշտում փոփոխություններ իրականացնելը կախված է ամբողջ թիմից: Այս մասին NEWS.am-ի հետ զրույցում ասաց ՀՀԿ խմբակցության պատգամավոր, ՄԱՊ գործարանի սեփականատեր Ալեքսան Պետրոսյանը:
«Խաղի մեջ կա «տրիներ» եւ խաղացողներ, երբ թիմը հաղթում է, առաջինը շնորավորում են տրիներին: Այսօր այս կառավարության տրիները Սերժ Սարգսյանը չի, ոնց որ նշեց Սերժ Սարգսյանը, էս տնտեսության տրիները կառավարության ղեկավարն է…. Ես ռեալ եմ ասում` մեր տնտեսությունը պետք է հստակ բոլոր տնտեսական ճյուղերում գույքագրում անի` սկսած գյուղատնտեսությունից: 13 տարի Ագզային ժողովում խնդրում եմ բոլոր կառավարության ղեկավարներին, ասում եմ` գյուղատնտեսական գույքագրում արեք: Ինչքան հող ունենք, ինչքանը չի մշակվում, ինչքանը պիտի մշակենք, ինչ տեխնիկա է պակաս, ինչ կարող ենք արտադրել, որ կարողանանք արտահանել»,-թվարկեց պատգամավորը:
Նրա խոսքով` տնտեսության զարգացման առաջին քայլը հարկային բեռի թեթեւացումն է:
«Դեռ հին հռոմեական ժամանակներում, երբ ֆինանսնների նախարարը Կեսարին զեկուցել է՝ հարկերը չի հավաքվում, ինչ պիտի անեն, Կեսարը պատասխանել է` հարկերի թեթեւացում պիտի արվի,ինչ պիտի արվի: Այսինքն. ավելի լավ է արտադրողը տասը միավոր արտադրանքից հարկ տա, քան մեկ միավոր: Առաջին դեպքում գոնե տասը աշխատող ավել կպահի: Անձից շատ բան է կախված, ով իր տեղում աշխատում է: Եկեք անընդհատ պատճառ ման չգանք, բոլորս ենք հասցրել տնտեսությունը էս վիճակին»,- պատկերավոր ասել է իշխանության ներկայացուցիչը:
