«Նորմանդական քառյակի» երկրների առաջնորդների հանդիպման ժամանակ ընդհանուր լեզվի պակաս էր զգացվում, ասել է ՌԴ նախագահի մամուլի քարտուղար Դմիտրի Պեսկովը, հայտնում է «Վեստի» –ն։
«Ընդհանուր լեզվի պակաս կա։ Միաժամանակ այս փուլում ընդհանուր լեզվի բացակայությունը գոնե մասամբ փոխհատուցվում է նորմանդական քառյակի ձեւաչափում աշխատանքը շարունակելու՝ առաջնորդների պատրաստակամության հաշվին։ Ինչը ինքնին շատ կարեւոր է»,- ասել էնա։
Ընդ որում Պեսկովը նշել է, որ առաջնորդները մի քանի լեզու են օգտագործում թեմային ավելի լավ տիրապետելու համար, մասնավորապես ՌԴ նախագահը անգելերենն է գործածում, որպեսզի Ֆրանսիայի նախագահ Ֆրանսուա Օլանդի հետ "ոտքի վրա բանակցի", Օլանդը գերմաներեն է կատակում Գերմանիայի կանցլեր Անգելա Մերկելի հետ , իսկ Ուկրաինայի նախագահ Պորոշենկոն ռուսերենից ու ուկրաիներենից բացի նաեւ անգելերենի օգնությանն է դիմում։
