Ադրբեջանի կողմից հետախուզա-դիվերսիոն ներթափանցման փորձն ուղղված է ղարաբաղյան հակամարտության գոտում հրադադարի ռեժիմի մշտադիտարկման համակարգ ստեղծելու՝ ԵԱՀԿ Մինսկի խմբի համանախագահների ջանքերի տապալմանը: Այս մասին NEWS.am-ի հ ետ զրույցում ասել է ռուսաստանցի քաղաքագետ Ալեքսանդր Սկակովը:
Նրա խոսքով՝ Բաքվի նպատակն է տապալել այդ համակարգի ստեղծումը, քանի որ այն Ադրբեջանի իշխանությունների շահերից չի բխում: Նշված համակարգն ուղղված է պարզելու, թե ով է առաջինը սկսել մարտական գործողությունները եւ այլն: «Եթե ադրբեջանական կողմը խոչընդոտում է նման համակարգի ստեղծմանը, իհարիե, նա էլ խախտում է հրադադարի ռեժիմը»,- ընդգծել է Սկակովը:
Հոկտեմբերի 20-ին` ժամը 23:00-23:30 ընկած ժամանակահատվածում, ղարաբաղա-ադրբեջանական հակամարտ զորքերի շփման գծի արեւելյան եւ հարավային ուղղություններում հակառակորդը ձեռնարկել է դիվերսիոն ներփաթանցման փորձեր:
ԼՂՀ ՊԲ-ից NEWS.am-ին հայտնում են, որ ՊԲ առաջապահ ստորաբաժանումները ժամանակին հավաստանշել են ադրբեջանական հատուկ ջոկատայինների առաջխաղացումը եւ կորուստներ պատճառելով հետ շպրտել իրենց ելման դիրքեր:
Դիվերսիոն խմբին դիմագրավելու ընթացքում ՊԲ-ն կորուստներ չի ունեցել:
