Վրաստանի չորս ընտրատեղամասերում կրկնակի ընտրությունների ընթացքում ընտրողների մասնակցությունը բավականին բարձր է, քվեարկությունն անցնում է հանգիստ մթնոլորտում, հայտնում է «Սպուտնիկ Վրաստանը»։
Մեծամասնական ու համամասնական համակարգով կրկնակի քվեարկություն է անցնում Ջիխաշկարի գյուղի թիվ 79 ու 108 եւ Գանմուխուրի գյուղի թիվ 39 ընտրատեղամասում ու միայն մեծամասնական համակարգով ՝ Մարնեուլիի ընտրական օկրուգի Կիզիլաջլո գյուղի թիվ 48 ընտրատեղամասում։
Խորհրդարանի տեղերի համար համամասնական համակարգով 19 կուսակցություն ու 6 ընտրական դաշինք է հավակնում։
Զուգդիդի շրջանի ընտրատեղամասերում մեծամասնական պատգամավորին ընտրելու են 6 թեկնածուներից, իսկ Մարնելուի շրջանում՝ ութ։ Վրաստանում խորհրդարանական ընտրությունները հոկտեմբերի 8-ին են անցել։ Լուրջ խախտումների պատճառով որոշվել է կրկնակի քվեարկություն անցկացնել չորս ընտրատեղամասում։