Տալինի օդանավակայանը, որն այսօր ավելի վաղ ժամանակավորապես փակվել էր ռումբի պայթյունի սպառնալիքի պատճառով, ժամը 14։30-ին վերսկսել է իր բնականոն աշխատանքը, հայտնում է ERR-ը։
Տերմինալը նորից բացվել է ուղեւորների համար, օդանավերի թռիչքները վերսկսվել են։
Մինչ այդ Տալինի օդանավակայանը ռումբի պայթյունի մասին սպառնալիք էր ստացել, ուղեւորները տարհանվել էին։ Ոստիկանները ու հատուկ վարժեցված շների հրահանգիչները զննել էին օդանավակայանի տարածքը եւ բոլոր ուղեւորներին, սակայն ռումբ չէին հայտնաբերել։ Հանգամանքները պարզելու համար քրեական գործ է հարուցվել՝ հասարակական կարգը խախտելու համար։