«Գազպրոմ»-ը հոկտեմբերի 21-ի Եվրոպա գազի մատակարարումների ռեկորդ է սահմանել՝ օրական 590 մլն խ/մ: Այս մասին լրագրողներին ասել է ընկերության կառավարման խորհրդի նախագահ Ալեքսեկ Միլլերը:
Նրա խոսքով՝ այս շաբաթ «Գազպրոմը» սահմանել է ռեկորդ ռեկորդի հետեւից: «Եվ ուրբաթը բացառություն չէր: Հոկտեմբերի 21-ին մենք գրանցել ենք նոր պատմական մաքսիմում՝ օրական 590 մլն խ/մ գազ: Նախորդ ռեկորդը հոկտեմբերի 20-ին էր, այս նոր ռեկորդը 2.2 մլն խ/մ-ով շատ է»,- ասել է Միլլերը, փոխանցում է ՏԱՍՍ-ը:
