Ճապոնական Տոտորի պրեֆեկտուրայում,որտեղ ուրբաթ 6,6 մագնիտուդով երկրաշարժ էր տեղի ունեցել, երկու օրում 189 հետցնցում է գրանցվել, հաղորդում է Ճապոնիայի օդերեւութաբանական վարչությունը։
Ուրբաթ՝ հոկտեմբերի 21-ին, Տոտորի պրեֆեկտուրայում 6,6 մագնիտուդով երկրաշարժ է տեղի ունեցել, որի օջախը գտնվել է 11 կմ խորության վրա։ Էպիկենտրոնը գտնվել է պրեֆեկտուրայի կենտրոնում։ 7-բալանոց ճապոնական սանդղակով ստորերկրյա ցնցումների ուժգնությունը կազմել է 6 բալ։ Ականատեսների խոսքով, ցնցումներն այնքան ուժեղ են եղել, որ դժվար է եղել ոտքի վրա մնալը։ Երկրաշարժն զգացվել է Ճոպանիոյի 47 պրեֆեկտուրաներից 31-ում։
Այս պահի դրությամբ երկրաշարժից տուժել է 16 մարդ, ավերվել կամ վնասվել է ավելի քան 320 շենք շինություն, ավելի քան 7 հազար ընտանիքներ մնացել են առանց ջրամտակարարման։
Օդերեւութաբանները նշում են, որ հետցնցումները կշարունակվեն մեկ շաբաթ, ինչը սողանքների վտանգ է առաջացնում հատկապես լեռնային գյուղերում։