Սաուդյան Արաբիայի էներգետիկայի նախարար Խալիդ ալ-Ֆալիհը հույս ունի, որ նավթ արդյունահանող երկրներին կհաջողվի ընդհանուր որոշման հանգել ՕՊԵԿ-ի նոյեմբերի վերջին կայանալիք հանդիպմանը։
«Այսօր մեր հանդիպումը կարեւոր կետ է գործընթացը համակարգելու համար, որի արդյունքում համաձայնության կարող ենք հասնել նոյեմբերի վերջին ՕՊԵԿ-ի երկրների եւ նավթ արդյունահանող այլ երկրների միջեւ»,-այսօր՝ հոկտեմբերի 23-ին, ասել է նա Ռուսաստանի էներգետիկայի նախարար Ալեքսանդր Նովակի հետ հանդիպման ժամանակ։
«Այսօրվա հանդիպումը լավագույն կերպով ցույց տվեց նավթի շուկան կայունացնելու Սաուդյան Արաբիայի մտադրությունը»,-ընդգծել է Խալիդ ալ-Ֆալիհը։ Նա համարում է, որ Սաուդյան Արաբիան եւ Ռուսաստանը դիրքորոշում կհայտնեն, որը լավ ազդակ կլինի նավթի շուկայի համար։
