Ֆրանսիայի ազգային ոստիկանության ղեկավար Ժան-Մարկ Ֆալկոնը հայտարարել է իրավապահների համար մի շարք նորարարությունների մասին: Այս մասին գրում է ՌԻԱ Նովոստին՝ վկայակոչելով Journal du Dimanche-ը:
Նորամուծությունների թվում են «համացանցին միացված պլանշետների տրամադրումը», ինչպես նաեւ «տրանսպորտային միջոցներ պաշտպանության» բարելավումը:
«Ես այս մարդկանց ղեկավարն եմ, հասկանում եմ նրանց լուրջ անհանգստությունը: Նաեւ ասում եմ ձեզ, որ կիսում են նրանց գրեթե բոլոր մտահոգությունները»,- ասել է Ֆալկոնը:
Ոստիկանների առաջին ցույցերը սկսվել են երկուշաբթի՝ կապված Վիրի Շատիյոնի միջադեպի հետ: Հոկտեմբերի 8-ին այստեղ կոնֆլիկտ է տեղի ունեցել երիտասարդների խմբի եւ իրավապահների միջեւ: Բախումների արդյունքում 28-ամյա ոստիկանը լուրջ այրվածքներ է ստացել, նա արհեստական կոմայի մեջ է:
Ուրբաթ հարյուրավոր իրավապահներ հավաքվել են ոստիկանության գլխավոր վարչության շենքի առջեւ՝ բողոքելով ինքնապաշտպանության միջոցների անբավարարության դեմ: Հաղորդվում է, որ նման ակցիաներ անցկացվել են նաեւ Կալեում, Լիոնում, Տուլուզում, Նիսում եւ այլ քաղաքներում: