WikiLeaks-ը հրապարակել է Դեմոկրատական կուսակցությունից ԱՄՆ նախագահի թեկնածու Հիլարի Քլինթոնի նախընտրական շտաբի ղեկավար Ջոն Պոդեստայի նամակագրության 16-րդ մասը: Այս մասին գրում է Gazeta-ն:
«Պոդեստայի էլեկտրոնային նամակները, մաս 16-րդ»,- ասված է WikiLeaks-ի Twitter-ի էջում:
Twitter-ի գրառման հետ նաեւ gif-անիմացիա է հրապարակվել, որում զարմացած Քլինթոնի վրա WikiLeaks-ի լոգոներ են «թափվում»:
Նամակագրության 15-րդ մասը հրապարակվել էր հոկտեմբերի 22-ին, առաջինը՝ հոկտեմբերի 8-ին: Առայժմ հայտնի չէ, թե Պոդեստայի որքան նամակներ են դեռեւս պատրաստվում հրապարակել: Միաժամանակ, Քլինթոնի ներկայացուցիչները դեռեւս չեն հաստատել եւ չեն հերքել նամակագրության բովանդակության իսկությունը:
