Առաջիկա օրերին օդի ջերմաստիճանի անկման պատճառով Արարատյան դաշտում ցրտահարություն չի սպասվում: Այս մասին իր ֆեյսբուքյան էջում գրել է ՀՀ ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյան:
«Քանի որ Արարատյան դաշտում դեռ բերք կա եւ մարդիկ անհանգստացած են սպասվող ցրտերի առումով ու շատ են հարցնում ցրտահարության մասին, տեղեկացնում ենք , որ մինչեւ հոկտեմբերի 31-ը Արարատյան դաշտում բացասական ջերմաստիճան չի կանխատեսվում, այսինքն ցրտահարություն չի սպասվում»,-գրել է նա։